La Striko de La Kanada estis grava striko iniciatita en la elektra entrepreno Riegos y Fuerzas del Ebro, apartenanta al Barcelona Traction, Light and Power Company, limited, plej konata kiel La Canadiense (La Kanada).[1] Ĝi komenciĝis la 5an de februaro 1919 en Barcelono, Katalunio, Hispanio, laŭlonge de 44 tagoj dum kiuj oni paralizigis la urbon kaj ĉirkaŭ 70% el la tuta kataluna industrio per striko kiu iĝis historia.
La striko konstituis grandan sukceson de la hispana laborista movado kaj de la sindikato Confederación Nacional del Trabajo (CNT) partikulare ĉar oni sukcesis atingi jenon: salajraj plialtigoj, la reakcepto de maldungitaj laboristoj, la liberigo de miloj da arestitoj dum la striko kaj labortago de ok horoj, kio faris Hispanion la unua lando en kiu oni deklaris leĝe tiun postulon de la laborista movado. Post tio la CNT iĝis unu el la sociaj fortoj plej gravaj de Katalunio kaj de Hispanio.
© MMXXIII Rich X Search. We shall prevail. All rights reserved. Rich X Search